Iyi mbumbanyigisho yerekana ubwoko bwose bw’amagambo agize ururimi rw’Ikinyarwanda n’izindi ndimi Bantu, igamije kwerekana intego zayo. Yibanda ku buryo n’ibigenderwaho mu gushyira amoko y’amagambo mu byiciro bitandukanye, ikerekana isano n’itandukaniro biri hagati y’amoko y’amagambo agize ururimi. By’umwihariko yerekana intego n’amategeko y’igenantego n’igenamajwi akoreshwa mu mazina, ibinyazina, inshinga n’itondaguranshinga ryoroheje n’iry’urusobe, haba mu Kinyarwanda ndetse no mu zindi ndimi Bantu.